Aqa Ka Milad Aya - Owaid Raza Qadri

 

Ya RasoolAllah Ya HabibAllah

Salla Alaika Ya RasoolAllah

Wassallam Alaika Ya HabibAllah

Ahlaon Wa Sahlan Marhaba Ya RasoolAllah

Charoon Taraf Noor Chaya,

Aaqa Ka Milad Aaya,

Khushiyon Ka Pegham Laya,

Aqa Kaa Milad Aya.

Allah, Allah, Allah, Allah, Allah, Allah,

Allah, Allah, Allah, Allah, Allah, Allah.

Shams-O-Qamar Aur Taaray,

Kyun Na Hon Khush Aaj Saaray,

Unsay He To Noor Paaya,

Aaqa Ka Milad Aaya.

Khushiyan Manatay Hain Wohi,

Dhoomain Machatay Hain Wohi,

Jin Par Hua Unka Saaya,

Aaqa Ka Milad Aaya.

Ghar Ko Sajatay Hain Wohi,

Jhanday Lehratay Hain Wohi,

Jin Par Hua Unka Saaya,

Aaqa Ka Milad Aaya.

Hai Shaad Har Ek Muslimaan,

Karta Hai Ghar Ghar Charaghaan,

Galiyoon Ko Bhi Jagmagaya,

Aaqa Ka Milad Aaya.

Mukhtar-e-Kul Maanay Jou Unhein,

Noori Bashar Jaanay Jou Unhe,

Naara Ussi Nay Lagaya,

Aaka Ka Milad Aya.

Jou Aaj Mehfil Mein Aaye,

Mun Ki Muradein Woh Paye

Sab Par Karam Ho Khudaya,

Aaqa Ka Milad Aaya.

Allah, Allah, Allah, Allah, Allah, Allah,

Allah, Allah, Allah, Allah, Allah, Allah.

Ghous Ul Wara Aur Data Nay,

Mere Raza Aur Khuwaja Ne,

Sab Nay He Din Yeh Manaya,

Aaqa Ka Milad Aaya.

Na’at-e-Nabi Tum Sunao,

Ishq-e-Nabi Ko Barhao,

Hum Ko Raza Ne Sikhaya,

Aaqa Ka Milad Aaya.

Jis Ko Shajar Jantay Hain,

Kehna Hajar Mantay Hain,

Aisa Nabi Hum Ne Paya,

Aaqa Ka Milad Aaya.

Dil Jagmaganay Lagay Hain,

Sab Muskuranay Lagay Hain,

Ik Kaif Sa Aaj Chahya,

Aaqa Ka Milad Aaya.

Kar Ae Ubaid Unki Midhat,

Tujh Per Khuda Ki Ho Rehmat,

Tu Ne Muqqadar Yeh Paaya,

Aaqa Ka Milad Aaya.

Charoon Taraf Noor Chaya,

Aaqa Ka Milad Aaya,

Khushiyon Ka Pegham Laya,

Aqa Kaa Milad Aya.

Allah, Allah, Allah, Allah, Allah, Allah,

Allah, Allah, Allah, Allah, Allah, Allah.